Жиһад және өзін-өзі өлтірушілер (суицид)

Соңғы кездері өздерін өздері өлтіретіндер арамызда көбейіп кетті. Әлемде әр 40 секунд сайын суицид орын алады. Олар емтихан тапсыра алмаса, жақын адамымен ұрысса немесе ажырасса, бірден асылып немесе жоғарыдан төмен секіреді немесе таблеткалар ішіп, өз-өзіне қол жұмсайды. Олар осылай өлсе барлық мәселелерін шешетіндей немесе басқалардан осылай кек алатындай болады. Олар өз-өзіне қол жұмсау ешқандай проблеманы шешпейтінін түсінбейді жәнеде олар өздері өте үлкен күнә жасайтынын ұқпайды. Барлық діндерде суицид үлкен күнәлардың бірі болып табылады. Сондықтан Аллаһ өз-өзіне қол жұмсаушыларға тозақта мәңгі күйетіндерін ЕСКЕРТЕДІ. Аллаһ Тағала Қасиетті Құранда: "Өзіңді өлтірме, өйткені Аллаһ саған мейірімді. Біз мұны өзінің дұшпандығы мен әділетсіздігі үшін жасаған адамды отқа жағамыз. Бұл Аллаға оңай" (4:29). Алла да анық айтты: "Өзіңізді өлімге итермелеме!» (2:195).

Алланың елшісі (оған Алланың игілігі мен сәлемі болсын): "Сендерден бұрын өмір сүрген бір адамның денесінде язва пайда болады. Ол оған қайғы-қасірет әкеле бастағанда, ол садағының жебесімен жарасын ашқанда, оның қаны өліп қалғанша тоқтамай ағып жатты. Сонда Аллаһ: "Жұмаққа оған тыйым салынды", - деді (Бухари, Муслим). Тағы бір хадисте: "Кім өзін тұншықтырса, тозақта өзін тұншықтырады, кім өзіне рышақ салып өлсе, тозақта өзін кеседі" (Муслим). Өмір -бұл бізге белгіленген мерзімге дейін берілген Алланың сыйы және оны ешкім өз бетінше аяқтауға құқылы емес.

Суицид жасаушылар өздерінің іс-әрекеттерімен ата-аналары мен жақын адамдарын қайғы қасіретке түсіреді. Адамның өмірін қиюға ешкімнің құқығы жоқ. Аллаһ осы дүниеде сынау үшін адамды жаратқан, сондықтан адам Аллаһқа құлшылық ету керек. Тек Аллаһ адамға өмір береді және ажалды жібереді. Құранда Алла бізге қиындықтар мен сынақтар, қандай да бір қиыншылықтар болатынын ескертеді. Аллаһ: "Біз сендерді аздап қорқыныш, аштық, мүлікті, адамдар мен жемістерді жоғалту арқылы сынаймыз. Олар қиындыққа тап болған кезде: "Шынында да, біз Аллаға тиесіліміз және Оған қайтамыз", - деп айтатын шыдамдыларды қуантыңыз. Оларға Иеміздің рақымы беріледі. Олар тікелей жолмен жүретіндер" (2:155-157). Бірақ сонымен бірге Алла қиыншылықтардан кейін міндетті түрде жеңілдік болатынын айтады. Ешбір жағдайда Аллаһ бұл әлемді адам үшін сынақ ретінде жаратқанын ұмытпауымыз керек, нәтижесінде бұл өмір оңай болмауға арналған. Ерте ме, кеш пе шыдамдылық өз нәтижесін береді, ол қиындықтарды жояды, мақсаттарыңа жетуге және қалаған нәрсеге қол жеткізуге көмектеседі. Аллаһ бізге: "Аллаһ шыдамдыларды жақсы көреді" (3:146) және "Шынында да, әр ауыртпалықтың артында жеңілдік бар" (94:5). Аллаһ тағыда: "...Ауыртпалықтан кейін Аллаһ жеңілдік жасайды"(65: 7). Ал Пайғамбарымыз (оған Алланың игілігі мен сәлемі болсын) хадисында: "Қайғы жұбанышпен, ал ауыртпалықтар жеңілдікпен ауыстырылады", – деді.

Неліктен адамдар мұны істейді деген сұрақ туындайды. Бұған бір ғана жауап бар - ол шайтанның азғыруы. Шайтан бүкіл адамзаттың жауы және адамды жұмақтан айырғысы келеді. Міне, шайтанның Аллаға берген уәдесі: "Ол:"мені шатастырғаның үшін мен сенің тура жолыңда оларға қарсы отырамын. Содан кейін мен оларға алдынан және артынан, оң және сол жағынан келіп азғырамын, сосын олардың көпшілігін Өзіңе ризаболғандардың қатарынан таба алмайсың" (7:16-17). Осы аяттан көріп отырғаныңыздай, егер адамның сенімі әлсіз болса, шайтан оның жақын досына айналады және оны қалаған жеріне апарады, оны осы уақытша әлемнің байлығына ғашық етеді және оны байлықтың құлына айналдырады, содан кейін оны кедейліктен және бүкіл жинаған байлығынан айырылудан қорқытады, несие алуға мәжбүр етеді және өмірінің соңына дейін осы несиені немесе қарызды өтеу үшін тер төккізеді, содан кейін ол оның мойнына отырадыда айла-шарғы жасап, оған ғибадат етуге қосымша уақыт бермейді. Содан кейін шайтан әлсіздердің жанын қорқынышпен, уайым қайғыменжәне сенімсіздікпен қорқытып, бұларға қарсы антидот жоқ деп үгіттейді және ол әлсіздіктен қолын төмен түсіргенде, оған барлық мәселелерін шешудің жалғыз әдісін ретінде өзін өзі өлтіргеннен басқа оңай жол жоқ екенін көрсетеді.

Егер қандай да бір қиындықтар туындаса, шайтанды тыңдамаңыз және оның қулықтарына берілмеңіз, тек қана Жаратушы Алладан көмек іздеңіз. Аллаһ бәрімізге көмектесуге кепілдік берді. Аллаһ Құранда: "Егер Менің құлдарым сенен Мен туралы сұраса, Мен оларға жақынмын және олар менен көмек сұрағанда дұға етушіге жауап беремін", - деді (2:186).

Сондықтан, бауырларым, өз-өзіне қол жұмсау туралы ойларыңызды басыңыздан шығарыңыз. Ешбір жағдайда өзіңді өмірден айыруға болмайды. Сіз өзіңіздің іс-әрекетіңізбен тек жақындарыңызға жамандық жасайсыз. Уақыт өте келе олар сіз туралы ұмытады. Олар жылайды, жылайдыда көп уақыт өтпей ұмытып кетеді. Сізді білетіндер таныстарыңыз сіз туралы мына ақымақ кішкентай нәрсеге бола асылып өліп қалды деп мазақтайды, сонымен қатар бірнеше айдан кейін оларда сізді еске алмай, ұмытып кетеді.

Ал енді денелеріне жарылғыш заттарды байлап, адамдар көп жерде өздерін жарып жіберетіндерге келетін болсақ, ондай білімсіз надандар осындай өлімнен кейін өздерін шахид болып өлемізде, сұраныссыз жұмаққа кіреміз деп үміттенеді. Бұл таза надандық болып табылады! Өйткені өзін өзі өлтіргендер суицид ретінде тозақтың отына барады жәнеде олар адамдарды өлтірушілер болып табылады. Бұл жиһадқа да, шахидке де қатысы жоқ. Барлық суицидтер мен өлтірушілер тозақтың жалынында мәңгі қалады! Аллаһ Тағала Өз құлдарын осы масқарадан құтқарсын! Амин!

Қорытындылай келе, барлық сансыз, шексіз және шетсіз мақтаулар мен мадақтаулар тек қана бүкіл әлемдердің иесі Жаратушы Аллаққа ғана лайық! Аллаһ біздің Пайғамбарымыз Мұхаммедке, алейхиссалям, оның отбасы мүшелеріне, оның серіктеріне және олардың соңынан ергендердің барлығын жарылқасын!

Сайт иесі - https://www.ummakz.kz / - Мейрханов Мейрам.